陪月

好多啱啱生完第一胎嘅新手媽咪對於點樣揍BB都一知半解，面對新成員嘅加入，初為人母嘅您心情都會既興奮又害怕，而當中最大難題莫過於照顧BB嘅技巧，例如BB喊點樣處理、換尿片及餵奶方法、點樣幫BB洗白白等等，以下是資深 陪月員 給予新手媽媽的一些建議:

1. Bb成日都喊?:初為人父母，最感到無所適從嘅就係bb仔成日都喊，我地要知道bb仔唔會無緣無故喊，喊係因為bb未能用言語去表達自己嘅需求，所以我地要盡量了解bb嘅需要，例如睇下bb有無尿濕?係唔係肚仔餓或者口渴?如果餐與餐之間喊好可能係扭眼喊，如果全部都解決而bb仲係喊，媽媽溫暖嘅擁抱都可以令bb增加一定嘅安全感。 
2. 餵奶方法:bb喊好可能係因為肚仔餓，留意用溫水沖開奶粉，陪月員一般會建議唔好用過熱或過凍嘅水去沖，而搖動奶樽時，記得睇下樽底有無沉澱物，要切底搖勻先好比bb飲，如果bb飲飲下奶慢左，試下扭鬆啲啲個奶樽，等空氣對流，bb會容易啲吸食。 
3. Bb沖涼:資深的 陪月 普遍會教導媽媽幫bb沖涼前要先用手測試水溫，而天氣凍嘅時候可以開住暖爐，避免bb受涼，沖涼時要注意力度，慢慢將bb嘅手指、腋下、腳趾洗乾淨，沖完涼要盡快幫bb著返衫。 
4. 換尿片:換片前要先準備好所有用品，如防尿墊、毛巾、棉花濕紙巾等，而幫bb穿尿片時記得要預留適量空間比bb活動，千祈唔好箍得太緊。 
5. Bb睡覺:陪月通常會建議提供一個環境較暗嘅地方比bb睡覺，而即使bb已經入睡，bb都應該喺媽媽嘅視線範圍內，而每隔一段時間就睇下bb身體有無過冷或者過熱。